Был көндәрҙә Өфөлә киләсәктә өҫтәмә кесе райондарҙың барлыҡҡа киләсәге тураһында хәбәрҙәр күп. Кисә, 29 июлдә, ҡала Советы ултырышында, мәҫәлән, Һупайлы биҫтәһенә яҡын урында 5 мең кеше йәшәрлек йорттар, социаль-мәҙәни объекттар ҡалҡытырға ниәт барлығы белдерелде. Йорттарҙың 14-тән 33 ҡатҡаса бейеклектә буласағын иҫәпкә алғанда ғына ла, уны ысынлап та яңы, заманса район тип аңларға кәрәк. Хәбәрсебеҙ Рәсүл Сәғитов ошо һәм башҡа мәсьәләләргә бәйле һорауҙары менән Өфө ҡалаһы хакимиәтенең мәғлүмәт-аналитика идаралығы етәксеһе Камил Юлаевҡа мөрәжәғәт итте.
