Рәсүл Сәғитов:
- Бөгөн студия мәктәптәрҙең яңы уҡыу йылына әҙерлеге мәсьәләһе өсөн асыҡ. Ул ошоғаса ла ябыҡ булманы, әлбиттә, әммә был көндәрҙә айырыуса көнүҙәккә әйләнә бара - һауала 1 сентябрь рухы һаман да нығыраҡ аңҡый, ул ашҡындыра ла, ашыҡтыра ла. Ошо аҙнала, 20-һендә, республика педсоветы уҙасағы ла мәғлүм. Ундағы төп һүҙ беҙҙең радиола мотлаҡ сағылыш табыр, ә әлегә был йәһәттән Башҡортостандың иң ҙур ҡалаһындағы күренеште ҡарарға булдыҡ. Беҙҙә ҡунаҡта Өфө ҡалаһы хакимиәте башлығы урынбаҫары Сынтимер Баязитов.
