Бөйөк еңеүҙең 70 йыллығына ҙур аминистия иғлин ителде. Унда нисә мең кеше эләкте һәм ниндәй статьялар буйынса? Асыҡ студия эксперты-Федераль Яза башҡарыу хеҙмәтенең Башҡортостан буйынса идаралығы начальнигы урынбаҫары, эске хеҙмәт полковнигы Сәйфун Аҡъюлов.
Унда кемдәр эләгә? Программа геройҙары - иҫерек килеш руль артына ултырып, янындағы пассажирҙарҙың ғүмерен өҙгән өсөн хөкөмгә тарттырылған Фәриткә 15 йыл төрмәнән һуң ташламалар була аламы? Ә мал урлап тотолған, инде рецидивист, Белорет кешеһе Айратҡа амнистияға эләгеү мөмкинлеге бармы? Нисек инде, оло кешеләрҙе алдаған мошенниктар исемлектең тәүге рәттәрендә? Бөгөн колонияларҙа бер тотҡондо ашатыу һәм йәшәтеү күпмегә төшә? Төрмәлә унда көн күреүселәргә эш шарттары бармы? Удо буйынса яңылыҡтар. Һәм башҡа һорауҙарға яуаптар - беҙҙең тапшырыуҙа.
