Тапшырыуҙа Өфө кеше экологияһы һәм хеҙмәт медицинаһы институтының баш ғилми хеҙмәткәре, медицина фәндәре докторы, профессор, Рәсәйҙең һәм Башҡортостандың атҡаҙанған табибы Мәхмүзә Ғәйнуллина, социология фәндәре докторы, профессор Рауил Нәсибуллин һәм ижтимағи-сәйәси һәм хоҡуҡи тикшеренеүҙәр институты өлкән ғилми хеҙмәткәре Наилә Шәмсетдинова ҡатнаша.
- Ҙур ҡалаларҙа тыуым кәмей,- ти белгестәр. Ә халыҡ күбәйә. Был күренеште мигранттар иҫәбенә артабыҙ тип әйтергә мөмкинме?
- Йөҙ йыл элек медицина ул тиклем көслө булмаған, дәүләт тә әллә ни ярҙам күрһәтмәгән, һәр өйҙә кер йыуыу машиналары ла тормаған, әммә ҡатын-ҡыҙ өс, биш, ете бала тапҡан. Хәҙер иһә тотороҡло ғаиләләрҙә лә бер генә бала.
- Башҡортостандағы күрһәткестәрҙе алһаҡ. Һуңғы 20 йылда мәҫәлән, башҡорт халҡы күпмегә артҡан?
- Ә беҙ күпмегә кәмегәнбеҙ? Ниндәй сәбәптәр арҡаһында?
- Әсәлек капиталы программаһы илебеҙҙә тыуымды арттырыуға этәргес булдымы? Ни генә тимә, үҫешкән илдәрҙең тарихына ҡарғанда, йомарт инвестициялар менән генә тыуым күрһәткесен үҙгәреүгә ирешә алған дәүләттәр юҡ тиерлек.
- Халыҡтың тәбиғи үҫеше булһын өсөн һәр ғаилә нисә бала тәрбиәләргә тейеш?
- Дәүләт демография мәсьәләләрен ниндәй ысулдар ярҙамында көйләй ала? Бөгөндән ниндәй саралар күрелмәһә, беҙ һуңланыҡ тигән һүҙ?
