Кем ул Әхмәт Зәки Вәлиди Туған? Был һорау 90-сы йылдарҙа йыш яңғыраны. Аңлатма бар - бер-нисә быуын, хатта ошо шәхестең яҡын туғандарының балалары ла автономиялы Башҡортостан республикаһын төҙөүсе, һуңынан донъяуи аренала бөйөк төркиәтсе булараҡ танылған Зәки Вәлиди хаҡында бер нәмә лә белмәй үҫә. Сөнки ҡанлы 37 йылдар күргәндән күрмәмеш яһап күҙҙәрҙе томалай, ишеткәндәрҙе лә ишетмәмеш иттерә. Зәки Вәлиди - тыуған еренә ҡайтыр юлы мәңгегә бикләнеп, сит илде төйәк итергә мәжбүр булған, үҙ дәүеренең алдынғы ҡарашлы сәйәсмәне. Яҡташыбыҙ исеме 70 йылға яҡын ваҡыт үткәс кенә дан булып Башҡортостанға әйләнеп ҡайта. Уның яҙмышы заман һынауын үткән халыҡ выжданы һәм милләт намыҫы.
Беҙҙә ҡунаҡта - йәмәғәт эшмәкәре Гүзәл Рамазан ҡыҙы Ситдыҡова.
