Ни өсөн һуңғы ваҡытта йәштәр үҙ балаларына беҙҙең халыҡҡа хас булмаған исемдәрҙе ҡуша. Ә исем ҡушыу ҙур яуаплылыҡты талап итә. Беҙ исеменә ҡарап милләтен билдәләй алабыҙ. Исем кешенең визит карточкаһы, шәхес таныҡлығы һымаҡ ул шәхестең ниндәй илдән, ниндәй милләт икәнен күрһәтеп тора. Бала бәләкәйҙән үҙ исеменең мәғәнәһен белеп, исемен яратып үҫһә, ул балала үҙенең милләтенә ҡарата ғорурлыҡ уяна.
