Рәсүл Сәғитов:
- Уҡырға инер мәл етте, бөгөн шул турала һөйләшмәксебеҙ. Етмәһә берҙәм дәүләт имтихандары тәңгәлендә Башҡортостанда быйылғы һандар арыу, һәр хәлдә былтырғы менән сағыштырғанда һәйбәтерәк. Радио тыңлаусыларыбыҙ, мәҫәлән, рус теле буйынса уртаса балдың үткән йылғы 66-нан 68-ҙә 4-кәсә күтәрелгәнен белә инде. Иң түбән кимәлде үтә алмаусылар һаны ла кәмегән. 32 егет һәм ҡыҙҙың иң юғары балл алғаны ла хәбәр ителде.
Был нимә тураһында һөйләй? Ниндәйҙер әүеш-теүеш, аҫтыртын ҡыланыштар тураһында уйлағы килмәй, сөнки йәмғиәт дәүләттең ғәҙеллек булһын тип талапты һәр көсәйтеүенә уны урап үтеү сараһын күрергә тороуҙан, ниһайәт, ныҡлап ситләшергә тейеш бит инде - хөрмәт талап итеүсе хөрмәт менән ҡараһын да. Әлеге яҡшыра төшкән һандарҙы шуға күрә, беренсенән, талаптарға күнеү, икенсенән, шарттарға күнегеү, тип йәғни, ҙурҙан алғанда, белем кимәленең үҫеүе тип ҡабул итке килә.
Студияла Башҡорт дәүләт университеты ҡабул итеү комиссияһының яуаплы секретары Ринат Төлкөбаев менән ошо уҡ уҡыу йортон тамамлаусыларға эшкә урынлашырға ярҙам итеү төбәк үҙәге мөдире Айбулат Хөсәйеновты сәләмләйбеҙ .
