Рәсүл Сәғитов:
– Ауылға, уның хужалығына, ғөмүмән, тормошона баҡмаҡсыбыҙ бөгөн. Ошолай ҡушып атаныҡ, сөнки был – айырым бер өлкә, ҙур бер өлкә. Тармаҡ ҡына түгел, йәшәү рәүеше лә. Шулай ҙа бында ла алға хужалыҡ итеү сыға, сығырға тейеш. Йәғни ауыл булһа ла, ауылса булмаһын ине – көрәк-һәнәктән нанотехнологияларға күсеү хаҡ. Сөнки донъяла, рәсми телдә әйтһәк, ауыл хужалығы үҙенең үҫешендә яңы әйләнеш кисерә: тупраҡ кәрәкмәй, ҡалдыҡтарҙан биояғыулыҡ яһала, һөҙөмтәне баяғы технологиялар ҙурайта ла, ишәйтә лә.
Студияла ауыл хужалығы фәндәре кандидаты, профессор Рәҙил Мөхәмәтдиновты сәләмләйбеҙ.
