Рәсүл Сәғитов:
– Филологияны өҫтәмә данлап торайыҡмы икән? Эйелер, барыбер ҙә кәрәк был. Сөнки бөгөн уға йәмғиәттә, донъя көтөү өсөн хәжәт матди иркенлекте әллә ни бирмәүе арҡаһында, үрҙәнерәк ҡарау, йәшермәйек, бар бит. Һәм уңышлы кеше булыу тәү нәүбәттә кеҫә етешлеге йәһәтенән баһаланғанда быға ҡаршылыҡ белдереү ҙә кәрһеҙерәк сығыусан. Шуның менән бергә ысын мәғәнәһендәге нәфис һүҙҙең барыбер ҙә сифат тауы булып ҡалҡып тороро асыҡ.
Студияла – Башҡорт дәүләт университетының башҡорт филологияһы һәм журналистика факультеты доценттары, филология фәндәре кандидаттары Илшат Янбаев менән Әлфирә Бәхтейәрова.
