Баланың һаулығын нығыта торған предмет хәүефлегә әйләнә бара. Рәсәйҙә 2016–2017 уҡыу йылында физкультура дәресендә 211 уҡыусы вафат булған. Аҙна башында был турала Федерация Советында илдең мәғариф һәм фән министры Ольга Васильева белдерҙе. Ни өсөн ошондай осраҡтар теркәлә? Кем яуаплы? Ата-әсәләрме? Мәктәпме? Поликлиникамы?
Ҡунаҡтарыбыҙ: Башҡорт дәүләт медицина университеты доценты, медицина фәндәре кандидаты, спорт медицинаһы һәм дауалау физкультураһы буйынса белгес Зөбәйер Мусин, Рәми Ғарипов исемендәге беренсе башҡорт гимназия-интернатының физкультура уҡытыусыһы Фәйзулла Абдрафиҡов һәм "Уфимец" балалар һәм үҫмерҙәр спорт мәктәбе етәксеһе Фуат Дәминдәров.
