Ҡояш ҡыҙҙырмай, күкте ҡурғаш болоттар ҡаплаған, ямғыр яуа, донъя бары тик ҡараңғы төҫтәрҙә генә күренә. Күңелһеҙ уйҙарға, һағышҡа батҡан кешеләр көҙҙө шулай һүрәтләр. Ҡайһы берәүҙәр тәбиғәттәге күренештәргә ҡарап, депрессияға бирелә. Йөҙҙәренән йылмайыу ҡаса, тиҙ генә арып бара, ҡайғыға бата. Бындай осраҡта ниндәй сара күрергә? Ошо һорауға "Асыҡ студия" тапшырыуында яуап эҙләрбеҙ.
Практик психолог Әлфиә Сәғит ҡыҙы Байрамғолова менән Зөһрә Арсаева әңгәмәләшә.
