Рәсүл Сәғитов:
– Яңы йылда – яңыса, тине елле тауыш менән тәбиғәт һәм айҙан ашыу ҡыҫып йыйнағанын, 31-ндәге өймәләм табын ише, бер юлы ауҙарҙы.
Ишара – кисә-бөгөн-иртәгәге яман буран һәм башҡа көтөлгән ҡаты һыуыҡтарға, әлбиттә, шуны сығарабыҙ бөгөн ил алдына. Тәү ҡарашҡа көнкүреши тип баһаланырлыҡ ошо мәсьәләне лә, сәйәси үк булмаһа ла, ижтимағи кимәлгә мендереүебеҙ бер бөгөн түгел һәм сәбәбе алдараҡҡы яҙмаларымдың береһендә нигеҙләнелгәйне лә инде – сөнки, был юлы ябайыраҡ бәйән ҡылғанда, фани донъяла ваҡлыҡтар юҡ, күпселектә ваҡлыҡтар ҙурлыҡтарҙы тотоп тора, киреһенсә тимәйексе. Етмәһә юлдар, урамдар, майҙандар, хатта кескәй генә сауҙахана һикәлтәһе лә, уның хужаһы ҡырҡа бүтән фекер ҙә булыуға ҡарамаҫтан – ижтимағи мәсьәлә, дөйөм ҡулланылышта булғанға шулай. Һөҙөмтәлә, беренсенән, фекер алышыуға ҡуйыла ала, икенсенән, позитив күпселектең ҡарары үтәлһен. Үтәлһен, тигәндә кәмендә, оялыпмы, штрафтан хафаланыпмы, күтәрмәңде, эргә-тирәңде мәлендә көрәй тороуың күҙҙә тотола.
Әңгәмәсебеҙ – Өфө ҡалаһы хакимиәтенең мәғлүмәт-аналитика идаралығы етәксеһе Камил Юлаев.
