Башҡортостанда йәш ғалимдарға бер миллион һумлыҡ 30 грант бүленә.
Был тәҡдим Республика Хөкүмәте ултырышында ҡаралды. Кәңәшмә Республика Башлығы Рөстәм Хөмитов рәйеслегендә үтте. Унда юғары квалификациялы фән белгестәре әҙерләү йүнәлешендә Башҡортостан Башлығы гранттарын бүлеү тәртибе тураһында фекер алышынды. Беҙҙең республика йәш ғалимдарҙы дәртләндереү сараһына тәүгеләрҙән булып тотондо. Был эш төбәктең 2030-сы йылға тиклем раҫланған үҫеш стратегияһы нигеҙендә алып барыла.
Бер миллион һумлыҡ гранҡа кемдәр дәғүә итә ала? Ниндәй асыштар өсөн? Был хаҡта беҙ Башҡортостан Фәндәр академияһы президенты Әлфис Ғаязов менән әңгәмә ҡорабыҙ.
Тапшырыуҙы Зөһрә Арсаева алып бара.
