Рәсүл Сәғитов:
– Халыҡ-ара балалар китабы көнө булды кисә. Әкиәтсе Андерсендың, үҙе лә мөғжизәгә тартым шәхестең, тыуған көнөнә бәйле был. Тәүгә 1967 йылда билдәләнгән. Балалар әҙәбиәте сағыштырмаса яңыраҡ барлыҡҡа килгән булып сыҡты, әйткәндәй – ун етенсе быуат урталарына тиклем кескәйҙәр ҙә, өлкәндәр ҙә бер үкте уҡыған. Артабан инде исеме әле генә телгә алынған авторҙың әҫәрҙәре күбәйгән. Ә бөгөн инде бының донъяла, шул иҫәптән Рәсәйҙә, уның эсендәге Башҡортостанда, оло бер донъя икәне мәғлүм.
Ошо турала һөйләшергә йыйындыҡ бөгөн – һүҙҙе яҙыусы, йәмәғәт эшмәкәре Гүзәл Ситдыҡова ҡатнашлығында дауам итәбеҙ.
