Яҙғы ташҡындың беренсе этабы тамам. Алдағы көндәрҙә йылғалар күтәреләсәк, 21 апрелдә ташҡындың иң юғары нөктәһе көтөлә. Уға ҡаршы ниндәй саралар күрелә? Ошо һәм башҡа һорауҙарға яуап эҙләрбеҙ.
Программаның эксперттары: республиканың ғәҙәттән тыш хәлдәр буйынса дәүләт комитеты рәйесе Фәрит Ғүмәров, Өфө ҡалаһы Граждандарҙы яҡлау идаралығы етәксеһе Рәсим Абдуллин һәм география фәндәре докторы, Башҡорт дәүләт университетының гидрология кафедраһы мөдире Әүфәр Гәрәев.
