Асыҡ студияла бөгөн януарҙарға килгән үләт хаҡында һүҙ барыр. Мәжит Ғафуриҙың билдәле мәҫәле тураһында әйтмәйем, ҡош-ҡорт, эре малдар араһында таралған йәки таралыу ҡурҡынысы янаған сирҙәр хаҡында. Шулай уҡ ауыл хужалығына, малсылыҡҡа ҡағылышлы ҡануниәттәге үҙгәрештәрҙе лә телгә алырбыҙ. Әңгәмәселәрем - Республика ветеринария идаралығы етәксеһе урынбаҫары Раян Шаһимөхәмәтов менән Иглин районы ветеринария станцияһы етәксеһе Камил Гәрәев.
Ил эсендә ошондай сирҙәр сығып, аҙыҡ-түлек хәүефһеҙлеге генә түгел, халыҡ сәләмәтлеге һәм именлегенә хәүеф тыуҙыра икән - ауырыу таралыуын сикләүҙә барыбыҙ ҙа - ветеринарҙар ҙа, власть та, халыҡ та берҙәй яуаплы, тигән фекер әйтте әңгәмәселәрем.
