18 августы ЗАГС-тар хәүефле тулҡынланыу ҡатыш шатлыҡ менән көтә. Матур һан - 18 08 18 көндө республикала рекорд һан – 751 ғаилә барлыҡҡа киләсәк. 200 никах Өфөгә тура килә. Ғаилә, никах, демография, тоғролоҡ, парҙарҙы табыштырыу-ҡауыштырыу һәм башҡа темаларҙы тикшереүҙә Өфө ҡалаһы Ленин районы ЗАГС-ының баш белгес-эксперты Зөһрә Әбүбәкерова, ғалим Имбир Яппаров, хаҡлы ялға сыҡҡансы республика мәғариф министрлығында бүлек етәксеһе булған Зилә Яппарова ҡатнашты.