Тарих 100 йыл һайын ҡабатлана? тигән һүҙҙәрҙә ниндәйҙер кимәлдә хаҡлыҡ барҙыр. Империя тарҡалғандан һуң, 1918 йылда Америка беҙҙең менән дипломатик мөнәсәбәттәрҙе тулыһынса өҙә, йәш Совет республикаһын һанламай. Киреһенсә, уны тиҙерәк бөтөрөү өсөн хәрби кампанияларға ярҙам күрһәтә. Совет иле аяҡҡа баҫҡас, 1933 йылда дипломатик мөнәсәбәттәрҙе тергеҙергә мәжбүр була. Ике яҡ өсөн дә отошло аҙым. Береһенә Американың алдынғы технология, техникаһы кәрәк, икенсеһенә ошоларҙы һатырға кәрәк. Юғиһә үҙ илендә ихтыяж кәмеп, етештереү туҡтай, илдә көрсөк башлана... Был- тарихтан... Бер быуат тигәндә ошоға оҡшаш хәл - Ҡушма штаттар иҡтисади, сауҙа бәйләнештәрен туҡтатып, беҙҙең илде үҙ ҡурайында бейетергә теләй. 2014 йылда башланған санкциялар алымының яңы тулҡыны башланып тора. Рәсәй нисек үтер был һынауҙы?
