Рәсүл Сәғитов:
– Бөгөн, бер яҡлап, үткән барланыр, икенсе яҡлап, быныһы мөһимерәк – ҡарашты киләсәккә ташларбыҙ. Үткән тигәндә йылдан ашыу элекке тапшырыу күҙҙә тотола – 2017 йылдың авгусында башҡорт телен заман талаптарына ярашлы, йәғни яңы мәғлүмәти технологиялар ярҙамында, уҡытыу буйынса ошо студияла ҙур һөйләшеү уҙғайны.
Эштең бөгөн нисек ойошторолғаны тураһында Мифтахетдин Аҡмулла исемендәге Башҡорт дәүләт педагогия университеты доценты, филология фәндәре кандидаты Вадим Толомбаев менән һөйләшәбеҙ.
