Һоҡланғыс һәм үҙенсәлекле ғөрөф-ғәҙәттәр һәм йолалар. Борондан килгән моңло йырҙар, дәртле бейеүҙәр һәм бай, һутлы тел ижады. Былар бөтәһе лә - фольклор. Фольклор - беҙҙең үткәнебеҙ, беҙҙең тарихыбыҙ. Ә тарихты үҙен хөрмәт иткән кеше белергә һәм хәтерләргә тейеш.
Бөгөн беҙ фольклор, халыҡ ижады, мәҙәниәт хаҡында һөйләшмәксебеҙ. Студияла алып барыусы Вадим Лаврентьев.
Ике аҙна дауамында Өфөлә һәм республикала Бөтә донъя фольклор фестивалдәре һәм традицион сәнғәт ойошмалары халыҡ-ара советының конгресы уҙҙы. Унда 54 илдән 200-ҙән ашыу вәкил ҡатнашты. Форумда ҡаралған төп мәсьәлә - Башҡортостандың 2020 йылда үтәсәк Бөтә донъя Фольклориадаһына әҙерлеге. Ҡунаҡтар Өфөлә булды, башҡа райондарға ла сәфәр ҡылды, Шүлгәнташ мәмерйәһе эсендә оркестр сығышын ҡараны.
Эфирға саҡырылған ҡунаҡтарыбыҙ менән ошо хаҡта һөйләшергә йыйынабыҙ. Улар менән танышып үтәйек. Республика халыҡ ижады үҙәге директоры Артур Әлибәков һәм ойошманың төбәк- һәм халыҡ-ара хеҙмәттәшлек бүлеге етәксеһе Зарина Хәсәнова.