Аҡса иҫәпте ярата. Был әйтем күптәргә таныш. Хәйер, аҡса ғына түгел, һәр нәмә иҫәпле булырға тейеш. Иҫәпле булғанда, тәртип була. Халыҡ иҫәбен алыу ҙа илдә кешеләр һанын белеү өсөн генә түгел, ә кем ҡайҙа эшләй, күпме эш хаҡы ала, ниндәй шарттарҙа йәшәй һәм башҡа мөһим һорауҙарға яуап алыу өсөн кәрәк. Ҡыҫҡаһы, социаль-иҡтисади күрһәткестәрҙе баһалап илдә тәртип урынлаштыу өсөн.
Бөгөн беҙ халыҡ иҫәбен алыу тураһында һөйләшмәксебеҙ. Дөрөҫөрәге уның яңы алымы – Интернет аша халыҡ иҫәбен алыуға айырым туҡталырға ниәтләйбеҙ. Студияла алып барыусы Вадим Лаврентьев. Беҙҙең бөгөнгө эксперт - Башҡортостан Статистика хеҙмәте етәксеһе урынбаҫары Рөстәм Ғатауллин.
