2019 йыл башынан Рәсәй һанлы телевидениеға күсә. Тапшырыуҙар цифрлы форматта буласаҡ. 20 федераль каналды яңы сифатта ҡарай башлайбыҙ. Ә Республиканың төп телевидениеһына ҡайҙан урын табылыр? Башҡортостан Юлдаш телевидениеһы директоры Шамил Ишемйәров, Телевизион һәм радио сигналдарҙы тапшырыу үҙәгенең селтәрҙәр менән идара итеү бүлеге етәксеһе Салауат Сәлихов, Республиканың матбуғат һәм киң мәғлүмәт буйынса агентлығы белгесе Ләйсән Ғасимова менән һанлы телевидение, уның отошло йәки бик үк булмаған яҡтары тураһында әңгәмәләшәбеҙ.
