Башҡортостан халҡы сираттағы тапҡыр, инде 28-сегә Республика көнөн билдәләй. 1990 йылдың 11 октябрендәге үҙаллылыҡ тураһында документ, йылдар үтеү менән, төп аслынан тайпылһа ла, ваҡытында республикабыҙға етди мөмкинлектәр асты, иркен тын алыу мөмкинлеге бирҙе. Дәүләт символдары, гербыбыҙ, гимныбыҙ, конституция, милли- мәҙәни күтәрелеш – уның емештәре.
Республика башҡорт халҡының сәйәси һәм мәҙәни тупланыу үҙәге булараҡ танылды. Шул уҡ ваҡытта ошонда йәшәгән башҡа халыҡтар, милләттәргә лә туған телдәрен, мәҙәниәт, ғөрөф-ғәҙәттәрен һаҡлау һәм үҫтереү өсөн мөмкинлектәр булдырҙы. "Асыҡ студия"ла - ошолар тураһында.
