Бөгөн – Комсомолдың тыуған көнө. Теүәл 100 йыл элек 1918 йылдың 29 октябрендә йәш эшселәр һәм йәш крәҫтиәндәр съезында Рәсәй коммунистик йәштәр берлеге, Комсомол ойошторолоуы тураһында иғлан ителә. 70 йылдан ашыу эшмәкәрлеге осоронда беҙҙең илдә, дөрөҫөрәге Советтар союзында 200 миллион йәш кеше комсомол аша үтә. Унда инеүе ҡатмарлы, уставын да белергә, белеүҙән тыш, аныҡ үтәргә кәрәк. Сығыуы, дөрөҫөрәге сығарыуҙары анһат – хата ебәрһәң, ғәйебең фашланһа, ҡыуғандар. "Асыҡ студия"ла комсомол, уны алыштырырлыҡ реаль хәрәкәттәр тураһында әңгәмә ҡорабыҙ.