Республикабыҙҙа йөҙҙән ашыу милләт, төрлө конфессия вәкилдәре йәшәй. Төп диндәр – ислам, христиан, будда тәғлимәттәрен тотоусылар өсөн шарттар булдырылған, мәсет-сиркәүҙәр, синагогалар эшләп килә. Был - рәсми докладтарҙан. Хәйер, рәсми һүҙҙәр ысынбарлыҡтан айырылмай тиергә кәрәк. Айырыуса дин тотоу иреклеге буйынса. Ана ошо төп диндәрҙең береһе – Мөхәммәт пәйғәмбәр тәғлимәттәренә эйәреүселәр, дөрөҫөрәге мосолман донъяһындағы хәлдәр тураһында һөйләшәбеҙ бөгөн. Билдәле дин белгесе, имам-хатиб һәм журналист Морат Лоҡманов дини тәрбиә, әхлаҡ, иман, дини белгестәр әҙерләү буйынса фекерҙәре менән уртаҡлаша.