Рәсүл Сәғитов:
– Нимә ул ижад? Төшөнсәнең оҙон-оҙон билдәләмәләре бар, ләкин әле үҙебеҙҙән уның күңелдәгене тәбиғәт биргән һәләт аша нимәлер сифатында барлыҡҡа килтереү икәнен генә белдерәйек. Һәм бөйөк бер ғәмәлдер был! Етмәһә уның менән шөғөлләнер өсөн йәмғиәттә уңайлы шарттар ҙа тыуҙырылһа, өҫтәүенә донъя көтөр өсөн ул үҙе яҡшы матди нигеҙ ҙә булып торһа...
Декоратив-ғәмәли ижад тураһында бөгөн булыр һүҙ һәм әле әйтелгәндәр ошо өлкәгә лә ҡарай, ҡарап ҡына ҡалмай, тәжрибә уларҙың тормошҡа ашырмалы булыуҙарын да раҫлай. Тулы бөтөнлөк өсөн йәнә нимәләр кәрәк? Ошолар һәм башҡалар тураһында фекер алышырға йыйылдыҡ асылған студияла.Ҡунаҡтарым – Башҡортостан Биҙәү-ғәмәли ижад оҫталары берлеге рәйесе Илдус Ҡолһарин һәм Әлшәй районы Иҙрис ауылынан аҫалы балаҫ һуғыусы Светлана Сәйетова.
