2019 йылдың 1-се ғинуарынан 217-се федераль закон ғәмәлгә инә. Ул баҡса участкаларына ҡағыла. Айырым категория баҡсаларҙа торлаҡ йорт һалырға, унда теркәлеп, йыл әйләнәһенә йәшәргә мөмкин буласаҡ. Яңылыҡ СНТ - коммерция булмаған баҡсасылыҡ ширҡәттәренә ҡағыла. Күсемһеҙ милек, уны теркәү, хосусилаштырыу, бүләк итеү йәки мираҫҡа ҡалдырыу. Ошо һәм башҡа мәсьәләрҙе тикшерәбеҙ. “Асыҡ студия”ла Рәсәй теркәү хеҙмәтенең Башҡортостан буйынса идаралығы хеҙмәткәрҙәре Алһыу Күсәрбаева һәм Әлфинә Ҡарағужина менән әңгәмәләшәбеҙ.