Шунда ғына мәңгелек ул урман

      Рәсүл Сәғитов:

      – Урмандың ни тиклем ҙур хазина икәнлеген әйтеп тороу артыҡтыр, шулай ҙа өс яҡлап әһәмиәтен, әйҙәгеҙ, атайыҡ. Беренсенән, көн торошона, һыу менән һауа таҙалығына ҙур йоғонтоло, ауыл хужалығы ерҙәрен ҡурсалай, әҙәмгә йәшәү һәм ял итеү өсөн яйлы шарттар тыуҙыра, кейек-ҡошҡа бына тигән аулаҡ. Ошонда – уның мөхитте хасил ҡылдырыу йәки экология йәһәтенән көсө. Икенсенән, төҙөлөш өсөн һаман да етди сығанаҡ, уға был яҡлап ихтыяждың яҡын, хатта алыҫ киләсәктә лә бөтөрө ныҡ икеле. Йәғни бында беҙ уның иҡтисади һынын күрәбеҙ. Өсөнсөнән, урман – мәҙәни-тарихи урын да бит ул, унда ана күпме халыҡтарҙың булмышы ҡоролған – донъя көтөү, көнкүреште алып барыу күҙлегенән ифрат мөһим. Урманлы төбәктәрҙә йәшәгәндәр унһыҙ тормоштарын күҙ алдында бик ауыр баҫтыра.

      Бөгөн ошолар һәм башҡалар тураһында һөйләшергә йыйылдыҡ та. Һөйләшмәй ҙә булмай, сөнки Башҡортостанда, ағаслы төбәк булараҡ, был яҡлап мәсьәләләр, бик ҡырҡыу, етди мәсьәләләр ишле. Республика башлығы вазифаһын ваҡытлыса башҡарған Радий Хәбировтың ошо көндәрҙә урманды таланыуҙан ҡотҡарыу, күпләп ҡырҡыусыларҙы яңы үҫентеләр ултыртырға мәжбүр итеү кәрәклеге, тәртип урынлаштырыласағы тураһында белдереүе лә булды һәм йәмғиәттә ышаныс менән ҡабул ҡылынды.

      Студияла Башҡортостан хөкүмәтенең урман хужалығы бүлеге мөдире Айбулат Ғәйнуллин менән республика урман хужалығы министры урынбаҫары Венер Вәхитовты сәләмләйбеҙ.

 

Агролизинг. Кемгә отошло?
Агролизинг. Кемгә отошло?
Асыҡ студия
Ковид, юлдар һәм сәнәғәт патриотизмы. Оператив кәңәшмә
Ковид, юлдар һәм сәнәғәт патриотизмы. Оператив кәңәшмә
Асыҡ студия
Башҡорт теле айлығы
Башҡорт теле айлығы
Асыҡ студия