Өфөлә Рәсәй-Ҡытай спорт уйындары үтә. Ике дәүләттең йәш спортсылары ҡышҡы төрҙәрҙә көслөләрҙе асыҡлай. “Асыҡ студия"ла ошо турнир, уның беҙҙә спортты үҫтереү-үҫтермәүгә йоғонтоһо, республикала спорт торошо тураһында әңгәмәләшәбеҙ. Рәми Ғарипов исемендәге Республика гимназия-интернатынан физик культура уҡытыусыһы, Советтар Союзының спорт мастеры, Рәсәйҙең физкультура һәм спорт отличнигы Фәйзулла Абдрафиҡов һәм спорт хәбәрсеһе, “Йәшлек” газетаһы журналисы Нур Ҡәҙербаев үҙ фекерҙәре менән уртаҡлаша.
