Башҡортостанда һыйыр малдарының - 77, ваҡ малдарҙың - 50, сусҡаларҙың - 80, йылҡыларҙың 40 проценты тамғаланған. Был эштәрҙе апрелгә тиклем тамамлау бурысы ҡуйылған. Малдарҙы биркалау хужаларына һалым һалыу өсөн түгел, тип аңлата ветеринарҙар. Төп маҡсат - һәр малдың биологик паспортын әҙерләү. Ошо осраҡа ғына сирҙәргә кәртә ҡуйыла, баҙарға сифатлы, сирҙәрҙән таҙа ризыҡ сығарыласаҡ. "Асыҡ студия" эксперттары, Республика ветеринария идаралығы етәксеһе урынбаҫары Раян Шаһимөхәмәтов менән Иглин районы ветеринария станцияһы етәксеһе Камил Гәрәев - ошолар һәм башҡалар тураһында.