Бөгөн – халыҡ-ара яман шешкә ҡаршы көрәш көнө. 2005 йылдан билдәләнә ул. Байрам итеү өсөн түгел, халыҡтың үҙ сәләмәтлегенә иғтибарын арттырһын өсөн, сирҙе алдан асыҡлап, дауалау өсөн. Республикала 30 меңдән ашыу кеше әле ошондай диагноз йөрөтә. Сирҙән ҡотолоу өсөн алдан тикшерелеү, диагностика мотлаҡ. “Асыҡ студия”ла Республика клиник онкология диспансеры табибы, пульмонолог Замир Абдуллин менән яман шеште асыҡлау, иҫкәртеү, киҫәтеү, дауалау тураһында һөйләшәбеҙ.
