Рәсүл Сәғитов:
– Башҡортостандың тәүге президенты Мортаза Ғөбәйҙулла улы Рәхимовтың 85 йәше айҡанлы донъя күргән интервьюларының береһенән быны үҙенең ғәҙәти көн тип атағаны, йылмая биреп, тиҙерәк үтеп киткәнен теләгәне билдәле. Ләкин йәмғиәттә уның шәхесенә бәйле мәғлүмәткә, фекерҙәргә ихтыяж ифрат ҙур һәм бөгөнгө «Асыҡ студия»ла беҙ уның ҡыҙыу хеҙмәт дәүере, оло эштәре тураһында һөйләшергә түңәрәк ҡор йыйҙыҡ – студияла академик Фәнил Фәйзуллин, сәйәсәт белгесе Әхтәр Боҫҡонов һәм ауыл хужалығы ветераны Зәки Ҡаҙыҡовты сәләмләйбеҙ.
