Сибайҙа электән килгән проблема - халыҡты һаҫыҡ һәм һаулыҡ өсөн зарарлы еҫтән ҡотҡарыу хәл ителә бара. 20 мартҡа каръерҙың аҫҡы өлөшөн һыу менән тултырасаҡтар. Тимәк, көкөрт диоксиды сығыу юлы быуылырға тейеш. Сәләмәтлеккә етди иғтибар бирелә - балалар шифаханаларға ялға ебәрелә, ҡалала Өфө табиптары граждандарҙы ҡабул итә, ҡала өҫтөндәге еҫте махсус лабораториялар даими тикшереп, мәғлүмәттәрҙе халыҡҡа еткереп тора. Бөгөнгә ошондай эштәр.
