Республикабыҙҙың Рәсәйҙең башҡа төбәктәре, сит илдәр менән уңышлы хеҙмәттәшлеге, тауар әйләнешенең йылдан-йыл арта барыуын даими билдәләй киләбеҙ. Рәсми отчеттарҙа, сығыштарҙа ҡабатлана тора ошо фекер. Ысынбарлыҡ рәсми һандарҙан ныҡ айырылмаймы? Беҙҙә хеҙмәттәшлек, инвестор йәлеп итеү ниндәй кимәлдә? 5 йыл элек Көнбайыш менән аралар һыуынғас, Рәсәй шәреҡҡә боролғайны. Шәреҡтә Ҡытайҙан тыш дәүләттәр, шул иҫәптән ислам дәүләттәре лә бар икәнлеге яҡшы мәғлүм. Урта Азия республикалары ла иғтибарҙалыр. Даими экспертыбыҙ - политолог, иҡтисад белгесе Рәйес Тайбугинды "Асыҡ студия"ла сәләмләйбеҙ.