Өфө ҡалаһында оло сара үтте. Татарстандан ярты меңләп ҡунаҡ ҡабул иттек. Башҡортостанда Татарстан көндәре барышында сауҙа-иҡтисади, ижтимағи- сәйәси, милли- мәҙәни, фәнни-техник хеҙмәттәшлек тураһында килешелде, райондар, юғары уҡыу йорттары дуҫлыҡ килешеүҙәрен имзаланы. "Дуҫ йәшәргә кәрәк", - тине "Асыҡ студия" ҡунаҡтары ла. Татарстан парламенты депутаты, Дәүләт советының Мәғариф, фән,мәҙәниәт, милли мәсьәләләр комитеты рәйесе Рәзил Вәлиев, Бөтә донъя башҡорттары ҡоролтайы башҡарма комитеты рәйесе Данир Ғәйнуллин, Дәүләт Йыйылышы-Ҡоролтай депутаты, Башҡортостан татарҙары милли-мәҙәни автономияһы етәксеһе Римма Үтәшева менән Бәйтулла Фәтҡуллин осрашты.