Республиканың Стратегик тикшеренеүҙәр институты белгестәре Туймазыла Төньяҡ-көнбайыш башҡорттары конференцияһында ҡатнашып ҡайтты. “Көнбайыш Башҡортостандың милли-мәҙәни һәм тарихи мираҫы” тип аталды ул. Һорау тыуа – социаль-иҡтисади мәсьәләләрҙе хәл итеү өсөн анализ-тикшереүҙәр алып барған үҙәктең милли сараларҙы ойоштороп, ҡатнашып йөрөүе. Ошо һорауға яуап табыу маҡсатында саҡырылған ҡунаҡтар менән танышайыҡ. Стратегик тикшеренеүҙәр институтының Социаль-мәҙәни һәм антропология үҙәге етәксеһе, тарихсы Юлдаш Йосопов, институттың матбуғат үҙәге етәксеһе Ғәзиз Йосопов һәм Төньяҡ-көнбайыш башҡорттары ҡоролтайы лидеры, Гәрәй ырыуы ҡорбашы Радик Бәхтиевты “Асыҡ студия”ла сәләмләйбеҙ.
