Халыҡҡа иң яҡын торған власть тураһында һөйләшәбеҙ бөгөн. Төрлө кимәл муниципалитеттар тураһында. Ауылдарҙы ниндәй темалар борсой, халыҡты төшөнкөлөктән сығарыу юлдары, ауылды үҫтереү һәм башҡалар. Ошо хәлдәр, мәсьәләләр Муниципаль берәмектәр съезында ҡарала. Ул 17 майға тәғәйенләнгән. 900 самаһы вәкил - райондар, ҡалалар, ауылдар хакимиәттәре башлыҡтары ҡатнаша унда. Студия ҡунаҡтары менән танышайыҡ. “Башҡортостандың Муниципаль берәмектәр советы” ассоциацияһы башҡарма аппаратының бүлек етәксеһе Гүзәл Мусина, Өфө районы Михайловка ауылы биләмәһе башлығы Дамир Арыҫланов, Ҡырмыҫҡалы районы Ҡамышлы ауылы биләмәһе башлығы Илгиз Бикҡужинды "Асыҡ студия"ла сәләмләйбеҙ.
