Календарь буйынса йәйгә аяҡ баҫабыҙ. Иртәгә 1-се июнь. Һуңғы ҡыңғырауҙар ҙа яңғыраны. Һәр хәлдә, был аҙнала барлыҡ уҡыусылар ҙа каникулдарға туҡтаны. Дәүләт имтихандары тапшырыусыларҙан тыш. Бөгөн беҙ белем тикшереү темаһын ҡалдырып торабыҙ, ял тураһында һөйләшәбеҙ. Йәйге лагерҙар республикала йылдағыса эшләйме, яңылыҡтар бармы, беҙҙең балалар диңгеҙ буйында ла ял итә алырмы? Республика Мәғариф министрлығының Тәрбиә һәм өҫтәлмә белем биреү бүлегенең баш белгесе Рәмзиә Биҡҡужина, Бөрйән районы "Ағиҙел" лагеры директоры Азат Ишкилдин, “Ағиҙел” лагерынан өлкән вожатый Сәйҙә Сәйәхова, Өфөнөң 20-се ҡала башҡорт гимназияһы директоры урынбаҫары Марат Ғилманов менән - ошолар һәм башҡалар тураһында.
