Демография, хеҙмәт миграцияһы хаҡында фекер алышабыҙ бөгөн. Бының өсөн ике ерлек бар. Тәүгеһе – Республика башлығы вазифаһын ваҡытлыса башҡарыусы Радий Хәбиров күптән түгел Мәскәү аэропортында Башҡортостандан вахта менән йөрөп эшләгән егеттәрҙе осратҡан, хәҙер уларҙы борсоған темалар тураһында сәй өҫтәле артында фекер алышырға теләк белдерә.
Икенсеһе – бөгөн Дәүләт Йыйылышы-Ҡоролтайҙа демография мәсьәләһе буйынса түңәрәк өҫтәл үтте. Стратегик тикшеренеүҙәр институты хеҙмәткәре Лия Иҙрисова, институттың матбуғат үҙәге етәксеһе Ғәзиз Йосопов менән - ошолар тураһында.