Уҡыуҙың яңы юғарылығына
Рәсүл Сәғитов:
— Мәктәп йылдары тамам, уҡыуҙар тағы дауам: вуздар документтар ҡабул итә башланы һәм был — бөгөнгө тапшырыуға нигеҙ. Сөнки илебеҙҙә юғары белем гел шулай юғары баһаланды, бәҫе һаман күтәрелә, ғөмүмән дә, кеше яҙмышының ғайәт мөһим бер өлөшө, күп осраҡта — боролошо ла бит ул: йырҙа йырланғаса ғына түгел, ғәмәлдә лә оло тормош юлына, үҙаллылыҡҡа сығыла һәм артабан уҡып алып китеү егет һәм ҡыҙҙы аптырашта ҡалдырмай, дәртен арттыра, дарман өҫтәй. Шуға күрә берҙәм дәүләт имтихандарына һәм әлеге кампанияға диҡҡәт беҙҙең радиола ла мул.
Студия ҡунағы — Башҡорт дәүләт университетының ҡабул итеү комиссияһы яуаплы секретары, физика-математика фәндәре кандидаты Ринат Төлкөбаев.
