Етемлек, етемдәр һанын кәметеүгә өлгәшеү дәүләттең һәм йәмғиәттең уртаҡ бурысы. 21-се быуаттың тәүге сиреген теүәлләп барабыҙ, ә илдә етемдәр һаны Бөйөк Ватан һуғышы йылдарыныҡына тиң тиерлек, тигән сағыштырыуҙар йыш ишетелә. Кем ғәйепле? Йәмғиәт, атай йәки әсәй дәрәжәһеә етмәйенсә, ғаилә ҡороп, бала тыуҙырған йәштәр, тәрбиүи эштең аҡһауы, яҙмыш, йәки башҡаһы? Бөгөнгә 8 мең 582 ғаилә 12 меңгә яҡын баланы тәрбиәгә алған. 509 бала балалар йорттарында ҡала. Ошолар тураһында бөгөнгө һөйләшеүебеҙ. "Асыҡ студия" эксперттары менән танышайыҡ:
Етем һәм ата-әсә ҡарауынан мәхрүм балаларҙы ғаиләгә урынлаштырыу Республика үҙәгенең Ишембай филиалы директоры Рәзилә Мөнир ҡыҙы Бәхтийәрова; Хәйбулла районы хакимиәтенең Опека, попечителлек һәм балалыҡ хоҡуғын яҡлау бүлеге етәксеһе Светлана Мартиновна Пахтусова.
