Һаулыҡ — һаҡланһа ғына байлыҡ
Рәсүл Сәғитов:
— Башҡортостанда аҙна балалар һаулығына бәйле тотош ил генә түгел, халыҡ-ара кимәлдәге лә сараларға бай — Рәсәй балалар хирургтарының 5-се форумы һәм ошо уҡ өлкәләге 1-се Рәсәй-Ҡытай конгресы эшләй. 2002 йылдан сит ҡатнашлыҡһыҙ һәм Мәскәүҙә генә үткән форум был юлы шулай Өфөлә уҙа, ошо минуттарҙа ла дауам итә. Урын итеп республика баш ҡалаһы һайланыуы сәбәбе ябай — ошо яҡлап иң алға киткән төбәктәрҙең береһе Башҡортостан. Балалар хирургтары ассоциацияһы рәйесе белдергәнсә, ҡайһы бер заманса ысулдарға Мәскәү белгестәре беҙҙән өйрәнгән.
Саралар «Һаулыҡ һаҡлау» милли проекты эсендә башҡарыла, ә уға ярашлы, мәҫәлән, 2024 йылға тиклем хеҙмәткә яраҡлы йәштәгеләрҙең үлем күрһәткесен 100 мең иҫәбенән 350-гәсә кәметеү планлаштырыла.
Ошолар һәм башҡалар тураһында медицина фәндәре докторы, профессор, Рәсәйҙең атҡаҙанған табибы, билдәле йәмәғәт эшмәкәре Марс Тимербулат улы Юлдашев менән һөйләшәбеҙ.
