Тауыш биреүгә 2 көн ҡалды. Дөрөҫөрәге, тәүлек ярым. Иртәгә, икенсе көнө - закон буйынса өгөттәрҙән азат. Тынлыҡ көнө тип атала ул. Һайлаусылар ҡайһы кандидаттың исем-шәрифтәре ҡаршыһына тамға ҡуйып, уның өсөн тауыш бирергә икәнлеген үҙҙәре хәл итергә тейеш. Республикаға килгәндә, беҙ тәү сиратта Башлыҡ һайлауҙы күҙ уңында тотабыҙ. Унан башҡа, әлбиттә, башҡа кимәлдәге һайлауҙар ҙа бар. Улар башлыса ауыл советтары депуттарына ҡайтып ҡала. Тынлыҡ көнө алдынан бөгөн беҙ Һайлау кампанияһы барышы, өгөт осоро, дбаттар, башҡа әҙерлек эштәренә йомғаҡ яһайбыҙ. Политолог, сәйәси технолог Рәис Тайбугин менән “Ҡыҙыл таң” ижтимғи-сәйәси газетаһының баш мөхәррире Фаил Фәтхетдиновты “Асыҡ студия”ла сәләмләйбеҙ