Бал һуҡтырыу миҙгеле тамам, тиергә мөмкин. Бөгөнгө “Асыҡ студия”ла миҙгелгә йомғаҡ яһайбыҙ, быйыл йәй умартасылар иңенә төшкән оло бәлә - бал ҡорттарының ҡырылыуы, ошондай хәлдәрҙең башҡаса ҡабатланыуын иҫкәртеү-киҫәтеү юлдары, умартасыларға ярҙам тураһында һөйләшәбеҙ. Башҡортостан вәкилдәре яңыраҡ Канадала үткән Апимондия форумында ҡатнашып, эстафетаны алып ҡайтты. Сираттағы форум теүәл ике йылдан беҙҙә үтәсәк. “Асыҡ студия” эксперты - Умартасылыҡ һәм апитериапия үҙәге етәксеһе, Дәүләт Йыйылышы-Ҡоролтай депутаты Әмир Ишемғолов.
