Һөнәр һайлау тураһында һөйләшәбеҙ бөгөн. Бала саҡта күптәребеҙ йә космонавт, йә шофер булырға хыяллана инек. Хыял – бер, тормош ысынбарлығы – бөтөнләй башҡа. Аҡылы кешеләр ҙә үҙеңде туйындыра- кейендерә алырлыҡ һөнәр һайларға кәңәш итә бит. Бөгөн беҙ һөнәрмәндәр әҙерләүселәр менән һөйләшәбеҙ.Сибай Күп профилле профессиональ колледж директоры Лундеж Байморатов менән Өфөнөң Статистика, информатикаһәм иҫәпләү техникаһы колледжы директоры, Республиканың урта һөнри белем биреү ойошмалары директорҙары советы етәксеһеСәйфетдин Ҡунысбаевты “Асыҡ студия”ла сәләмләйбеҙ.
