Фарман бар, дарман табылһын
Рәсүл Сәғитов:
— Ҡайһы йәмғиәт яҡшы? Асығы, әлбиттә: барыр ерең барҙа барыр юлың табыла. Ошо яҡлап ҡарағанда быйылғы сентябрь тарихи ай тип атарлыҡ — 8-ендә, тауыш биреү тамамланғас, алдағы биш йылға республика үҫеше буйынса ҙур документҡа ҡул ҡуйыласағы иғлан ҡылынды, 19-ындағы инаугурацияла төп йүнәлештәре белдерелде, ә кисәге дүшәмбе кәңәшмәһендә әлеге фарманға ҡул ҡуйылғаны хәбәр ителде.
Ошоға ҡағылышлы мәсьәләләрҙе социолог, Башҡортостан Халыҡтар дуҫлығы йорто директоры Илгиз Солтанморатов менән ҡарайбыҙ.