Һары көҙҙәге йәшел эш
Рәсүл Сәғитов:
— 69 мең төп ағас, 369 торама пункт, 146 гектар. «Йәшел Башҡортостан» бер көнлөк акцияһы һандары былар, хөкүмәттә үткән бөгөнгө ҙур кәңәшмәлә белдерелде. Экологияға иғтибарҙы көсәйтеү, ҡала һәм ауылдарҙы ошо юл менән дә күркәмләндереү маҡсатынан башҡарылған эш шулай халыҡ ғәмәленә әйләнде, оло ла, кесе лә, хеҙмәткәр ҙә, эшсе лә сыҡты. Тәүгеһе быйыл апрелдә ойошторолғайны, 169 мең кеше ҡатнашты.
Акцияға йомғаҡ яһайбыҙ бөгөн, студияла ике муниципалитет вәкиле — Өфө ҡалаһы Киров районынан Луиза Шәптиева менән Иглин районы хакимиәтенән Миләүшә Хәсәнованы сәләмләйбеҙ.
