Тәрбиә һоҡланғыс көскә эйә

Тәрбиә һоҡланғыс көскә эйә

Рәсүл Сәғитов:

— Тапшырыуҙы, ишетәһегеҙ, тантаналы марштан башланыҡ. Йәш быуын өсөн ғәжәптер, сөнки ғәҙәти түгел, ә өлкән быуындың күңеле елкенеп киткәндер — ярһыу йәшлеге иҫенә төшкәндер.

Комсомолдың тыуған көнө бөгөн, иптәштәр! Был марш — уның хөрмәтенә, заманында тығыҙ сафында атлағандарға. Ул саҡта йыш яңғыраған, яңы тормошта, ижтимағи-сәйәси ҡоролош икенсегә әйләнгәс, тын архивҡа күскән яҙмаларҙың береһе.

Дата түңәрәк түгел, 101 йыллығы — тәүҙә аталғанса РКСМ (Рәсәй Коммунистик Йәштәр Берлеге) 1918 йылдың 29 октябрендә, Бөтә Рәсәй эшсе һәм крәҫтиән йәштәренең беренсе съезында, ойошторола бит. 1926-ла ВЛКСМ-ға әйләнә. Ике йыл алда, төп ойоштороусыһы Ульянов (Ленин) вафатынан һуң, уның исеме ҡушыла.

Телгә ифрат ятышлы аббревиатура барлыҡҡа килә, әйкәндәй — баш хәрефтәр теҙмәһе һымаҡ түгел, айырым һүҙҙәй яңғырай. 1991-гәсә, 73 йыл буйы, эшләүенә ошо ла ярҙам итмәнеме икән әле — карапты нисек атайһың, шулай йөҙөп тә китә бит?..

1991-ҙең көҙөндә шулай эшмәкәрлеген туҡтатты. Саҡ ҡына алдараҡ, августа, КПСС-тың да юҡҡа сыҡҡанын хәтерләйбеҙ. Тағы бер нисә айҙан СССР тарҡалды. Ана күпме һыу аҡһа ла комсомолдың тыуған көндәрен иҫкә төшөрә киләбеҙ, ниңә икән?..

Беҙҙең республика комсомолы йәшерәк — шулай уҡ октябрҙә, ләкин 1920 йылда, РКСМ-дың Бөтә Башҡортостан съезы алдынан, ойошторола.

Тапшырыуҙың әңгәмә өлөшөнә күсәбеҙ — студияла комсомол ветераны, ВЛКСМ-дың Башҡортостан Өлкә Комитетында инструктор, Өфө ҡалаһы Ленин районында беренсе секретарь булған замандашыбыҙ Батыр Хисмәтуллинды сәләмләйбеҙ.

Сөенечләр уртак булсын!
Сөенечләр уртак булсын!
Асыҡ студия
Уңайлы мөхит. Һорауҙар һәм яуаптар.
Уңайлы мөхит. Һорауҙар һәм яуаптар.
Асыҡ студия
Брендтар һәм кооперация
Брендтар һәм кооперация
Асыҡ студия