Дүшәмбе Халыҡтар берҙәмлеге көнөн билдәләнек. Иртәгә – Октябрь революцияһының сираттағы йыллығы. Тәүге байрам тарихи яҡтан боронғораҡ, әммә һуңыраҡ билдәләнә башланы. Икенсеһе 102 йыл элек башланды, әммә яңы Рәсәй тарихында уға урын ҡалманы. Ғөмүмән, байрам даталарын кем уйлап таба ла, халыҡҡа уныһы ярай, быныһы ярамай, тип күрһәтмә бирә ала? Тыуған көндәр календарҙа ҡыҙыл менән билдәләнмәгән, әммә күптәрҙең яратҡан байрамы. Дөрөҫ һәм дөрөҫ түгел байрамдар тураһында һөйләшәбеҙ бөгөн. Власть ҡушҡанды ғына билдәләргәме, әллә күңел ҡушыуы буйынсамы? Хеллоуинмы, Ҡарға бутҡаһымы, әллә Изге Валентинмы? “Асыҡ студия” эксперттары – яҙыусы, журналист Әхмәр Үтәбаев һәм психолог Әлмира Исхаҡова.
