Башҡортостандың төп мәктәбенә – 75 йәш. Рәми Ғарипов исемен йөрөткән Башҡорт интернат-гимназияһы тураһында һүҙебеҙ. Ауыр йылдарҙа, 1944 йылда асыла был мәктәп-интернат. Әлегәсә әйткәндә, ул саҡтағы Рәсәй хөкүмәте рәйесе Алексей Косыгин имзалаған документта ла, “Аҫаба халыҡ балалары өсөн 200 урынлыҡ тулы пансионлы интернат асырға” тип яҙылған.
Оло тормошҡа сығыу өсөн гимназия – трамплин ролен үтәйме? Рәми Ғарипов гимназияһын тамамлаусылар, үҙҙәре әйткәнсә, барыһы ла илһөйәрме, әллә яҡшы тормош эҙләп ситкә китеүҙе хуп күрәме? Һәм ни өсөн уны тамамлаусылар үҙҙәрен “Беҙ - беренселәр” тип йөрөтә? Гимназия- интернаттың үткәне, бөгөнгөһө, киләсәге тураһында бөгөнгө әңгәмәбеҙ. Бының өсөн йәнә бер сәбәп – 22 ноябрҙә "Торатау" Конгресс холында гимназияның 75 йыллығына арналған ҙур байрам үтәсәк. “Асыҡ студия”ла уҡыу йорто директоры урынбаҫары Азамат Шәмсетдинов һәм тарих уҡытыусыһы Әминә Баймөхәмәтова.
